Kung may sufficient ipon ka na, pwede ka na mag-invest sa stock market! Kung hindi ka pa decided kung para sa iyo ang stock market investing, magsh-share kami ng mga rason kung bakit magandang idea ito.

Pwede mo ibenta ang stocks mo pag na-achieve mo na ang long-term goals mo para dito. Pero dahil may ups and downs ang market, hindi guaranteed ang pag-appreciate ng value ng mga stocks mo—kaya dapat maging wise sa pag-invest!

May potential ang stocks na makapag-bigay ng mas malaking kita kaysa sa ibang uri ng investments.

Kung ikukumpara sa traditional savings account at time deposits, proven na ang stocks ay may potential kumita ng mas mataas, lalo na sa mahabang panahon.

Ang value ng pera natin ang bumababa dahil sa inflation—ang P100 mo ngayon, mas konti ang mabibili kumpara sa P100 a few years ago.

Buti nalang, may track record ang stock market na nakakapagbigay ito ng above inflation returns. Ibig sabihin nito, pwede lumaki ang value ng stocks mo na higit pa sa rate ng inflation.

Hindi totoo na ang pagbili ng stocks ay para sa mayayaman lang. Hindi kailangan ng malaking halaga para simulan ang stock investment journey mo.

Usually, mataas na halaga ang kailangan para sa ibang investments, tulad ng negosyo. Pero pagdating sa stocks, pwede ka magkaroon ng share sa kumpanya sa maliit na puhunan.

Maaari kang bumili o magbenta sa kahit na anong oras sa loob ng regular trading hours. Ang trading days and hours sa Pilipinas ay: Monday to Friday (except holidays), from 9:30AM to 3PM.

Super-dali at convenient ito, mas lalo na kung ikumpara sa pagbenta ng physical items tulad ng damit at pagkain.